12px13px15px17px
Tarix:12/09/18

“Google”un internet-stratostatları məlumatları rekord məsafəyə ötürüb

“Google”un sahibi olan “Alphabet” tərəfindən işlənib hazırlanan “Project Loon” hava şarları şəbəkəsi 7 internet-stratostat arasındakı məlumatları təxminən 1000 km məsafəyə ötürməyə müvəffəq olub. Əvvəlki rekord 100 km-ə bərabər idi və yalnız 2 stratostat arasındakı məlumatları ötürmüşdü.
 
“ICTnews” Elektron Xəbər Xidməti “hitech.vesti.ru” saytına istinadən yazır ki, informasiya təxminən 600 km-dən çox məsafədə yerləşən bir hava şarından digərinə ötürülüb.
 
Xatırladaq ki, “Loon” layihəsi “Alphabet”in tərkibinə daxil olan “X” innovativ işləmələr bölməsi tərəfindən hazırlanıb. Təxminən 20 km yüksəkliyə qaldırılan hava şarları məlumatları “LTE” tezliyində ötürür ki, yaxınlıqda olan istifadəçilər mobil telefonların köməyi ilə internetə qoşula bilsin. Möhkəm örtük aerostatlara stratosferin alt qatlarında təxminən 100 gün qalıb işləməyə imkan verir.
 
Emil Hüseynov





Baxış sayı: 452

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 İyun 2019

16 06 2019