12px13px15px17px
Tarix:06/12/18

Yaponiyada sonuncu peycinq şirkəti tezliklə öz fəaliyyətini dayandıracağını bəyan edib

Yaponiyanın “Tokyo Telemessage” peycinq şirkəti bəyan edib ki, 2019-cu ilin sentyabrında peycer sahiblərinə xidmət göstərməyi dayandıracaq. Bundan sonra ölkədə belə xidmət göstərən operator olmayacaq.
 
“ICTnews” Elektron Xəbər Xidməti “hitech.newsru.ru” saytına istinadən yazır ki, 1996-cı ildə 1,2 milyon nəfərə xidmət göstərən şirkət uzun müddətdir müştərilərini itirir, indi onların sayı 1500 nəfərdir və artıq 20 ildir yeni peycer təqdim edilməyib.
 
Ötən əsrdə meydan çıxmış istifadəçi peycerlərinə mətn mesajlarının birtərəfli ötürülməsi texnologiyası 80-ci illərdə kütləvi populyarlıq əldə edib və 15 il sonra isə peycerlər mobil telefonlar tərəfindən sıxışdırılmağa başlanıb. Bununla belə təcili yardım xidmətləri və tibb işçiləri sözügedən texnologiyadan istifadə edirlər, çünki peycerlər xəstəxana avadanlığına zərər vura bilən elektromaqnit dalğaları buraxmır.
 
Emil Hüseynov





Baxış sayı: 144

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






20 May 2019

19 05 2019