12px13px15px17px
Tarix:09/01/19

2019-cu ildə “Əşyalar interneti”nə qlobal xərclər 745 milyard dollara yaxınlaşacaq

“IDC”-nin analitikləri 2017-2022-ci illərdə “Əşyalar interneti (Internet of Things, IoT)” texnologiyasına xərclərin ikirəqəmli artımını proqnozlaşdırır. 2019-cu ildə bu bazarın həcmi ötən illə müqayisədə 15,4% yüksələrək 745 milyard dollara yaxınlaşacaq. 2022-ci ildə “IoT” üzrə qlobal xərclər 1 trilyon dolları ötməlidir.
 
“ICTnews” Elektron Xəbər Xidməti “dailycomm.ru” saytına istinadən yazır ki, "IoT texnologiyaları müxtəlif sahələrdə, hökumət təşkilatlarında və istehlakçıların gündəlik həyatında tətbiq edilir. İstehlakçılar “IoT” qurğuları vasitəsilə öz evləri, avtomobil və ailə üzvləri, həmçinin şəxsi sağlamlıq və fiziki aktivlik haqqında informasiya əldə edə bilərlər. İndi “IoT” tarixində növbəti mərhələ başlayır: biz artıq fiziki obyektlərdə rəqəmsal imkanların tətbiqindən tam avtomatlaşdırmaya keçid görürük" – “IDC”-nin “Internet of Things and Mobility” istiqamətinin vitse-prezidenti Kerri Makqillivri deyib.
 
ABŞ və Çin “Əşyalar interneti”nə yatırılan investisiyaların həcminə görə lider ölkələrdir. İlk beşliyə, həmçinin Yaponiya (65,4 milyard dollar), Almaniya (35,5 milyard dollar) və Cənubi Koreya (25,7 milyard dollar) daxil edilib.
 
Emil Hüseynov





Baxış sayı: 135

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 İyun 2019

16 06 2019