12px13px15px17px
Tarix:09/01/19

“LG” hermetik korpusa malik smartfonunu təqdim edib

“LG Electronics” şirkəti çox möhkəm hermetik korpusla təchiz edilmiş “Q9” smartfonunu təqdim edib. Aparat “IP68” və “MIL-STD 810G” standartları üzrə sertifikatlaşdırılıb və bu, o deməkdir ki, aparat zərbəyə, bərk səthli yerə düşməyə, su və toza qarşı davamlıdır.
 
“ICTnews” Elektron Xəbər Xidməti “dailycomm.ru” saytına istinadən yazır ki, aparat 3120x1440 təsvir ölçülü və 19,5:9 tərəflər nisbətinə malik 6,1 düymlük ekranla təchiz edilib.
 
Smartfon 4 nüvəli “Qualcomm Snapdragon 821” prosessoru, “Adreno 530” qrafik bloku, 4 QB-lıq əməli yaddaş və 64 QB-lıq daxili yaddaşa malikdir. Tutumu 2 TB-dək olan “microSD” daşıyıcısının qoşulması mümkündür.
 
Əsas kamera 16 meqapiksel, ön kamera isə 8 meqapiksel təsvir ölçüsünə malikdir və genişbucaqlıdır. Həmçinin “Wi-Fi 802.11ac” (2,4 və 5 QHs) və “Bluetooth 5.0 LE” simsiz rabitə modulları, barmaq izləri skaneri, “GPS” qəbuledicisi, “NFC” modulu, FM tüner və “USB Type-C” portu var.
 
Telefon sürətli enerjidoldurma texnologiyasını dəstəkləyən 3000 milliamper/saat tutumlu akkumulyator batareyası ilə təchiz edilib və “LG UX” istifadəçi interfeysli “Android 8.1 Oreo” əməliyyat sisteminin idarəetməsi altında işləyir. 7,9 mm-lik qalınlığında olan aparatın çəkisi 159 qramdır.
 
“LG Q9” smartfonu 11 yanvar 2019-cu il tarixində Cənubi Koreyada satışa çıxarılacaq və qiyməti təxminən 444 ABŞ dolları təşkil edəcək.
 
Emil Hüseynov





Baxış sayı: 516

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 İyun 2019

16 06 2019