12px13px15px17px
Tarix:02/05/19

Yaponiyada tarixdə ən böyük nadir torpaq metallar yatağı kəşf edilib

Geoloqlar Yaponiya sahillərində böyük nadir torpaq minerallar yatağı kəşf ediblər. İlkin hesablamalara görə, burada 16 milyon tona yaxın qiymətli metal mövcuddur.

 

“ICTnews” Elektron Xəbər Xidməti “Hightech.” resursuna istinadən yazır ki, nadir torpaq metalları skandium, ittrium, lantan və lantanoidlərin daxil olduğu 17 elementdən ibarət qrupdur. Nadir torpaq elementləri kimyəvi və fiziki xüsusiyyətlərinə görə bir-birinə çox bənzəyir ki, bu da onların atomlarının zahiri elektron səviyyələrinin eyni quruluşa malik olması ilə izah olunur. Onlar əksər elektron qurğularda, o cümlədən smartfon akkumulyatorlarında və avtomobillər üçün platalarda istifadə edilir.

 

Nadir torpaq metallar qrupuna aid elementlər yer qabığının müxtəlif qatlarında çox olsa da, onlar dağınıq haldadır. Hazırda bir neçə nadir torpaq metalların cəmləşdiyi iqtisadi zonanın mövcud olmasına baxmayaraq onların hamısı Çində yerləşir.

 

Tokionun 1 850 kilometrliyində yerləşən Minamitori adasında yeni yataqda bütün nadir torpaq metallarının yataqları var. Burada mövcud olan ittrium 780, disproziya 730, avropium 620, terbium 420 il dünya tələbatını ödəyə bilər.

 

Hazırda Yaponiya mütəxəssisləri nadir torpaq metalların hasilatı üzrə gələcək planlar üzərində çalışırlar.

 

Nizam Nuriyev





Baxış sayı: 921

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024