Dünya təcrübəsində sınaqdan çıxmış innovasiyaların ölkənin peşə təhsilində tətbiqinə başlanılıb
Azərbaycanda texniki-peşə təhsilinin yenidən qurulması və beynəlxalq standartlara uyğunlaşdırılması işləri davam etdirilir. Bu məqsədlə dünya təcrübəsində sınaqdan çıxmış innovasiyaların ölkənin peşə təhsilində tətbiqinə başlanıb. Hazırda beynəlxalq təşkilatlarla birgə bu istiqamətdə 10-a yaxın layihə həyata keçirilməkdədir. Bu barədə “İCTnews” elektron xəbər xidmətinə Təhsil Nazirliyindən məlumat verilib.
Nazirlikdən bildirilib ki, qoyulan məqsədə çatmaq üçün “Texniki-peşə təhsilinin inkişafı üzrə Dövlət Proqramı (2007-2012-ci illər)” çərçivəsində bir sıra işlər də görülüb. Belə ki, müəyyən peşələr üzrə müasir tələblərə cavab verən təhsil proqramları (kurrikulumları) hazırlanıb, peşə-ixtisas təsnifatı yeniləşdirilib.
Təhsil tarixində ilk dəfə olaraq ayrı-ayrı peşələr üzrə 38 adda milli dərslik tərtib edilib. 32 adda tədris-əyani vəsait hazırlanıb istifadəyə verilib. Texniki-peşə məktəblərinin maddi-texniki bazasının gücləndirilməsini hədəfə alan nazirlik tərəfindən son illər 2 yeni peşə-tədris mərkəzi və 1 peşə liseyi istifadəyə verilib.
HƏQİQƏT
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
