“Baku Crystal Hall”un “3D” formatında görüntüləri nümayiş etdirilib
"AzərTAc" İnformasiya agentliyi və "Baku3d.az" saytı "Eurovision" mahnı müsabiqəsinin keçiriləcəyi "Baku Crystal Hall"un "3D" panorama formatında görüntülərini nümayiş etdiriblər (http://crystalhall.baku3d.az/).
"İCTnews.az" elektron xəbər xidmətinin məlumatına görə, çoxfunksiyalı "Baku Crystal Hall" arenası 23 min nəfər qəbul etmək qabiliyyətindədir. Mayın 22, 24 və 26-da Bakıda keçiriləcək "Eurovision 2012" mahnı müsabiqəsinin hər üç şousunu zaldan 16 minədək tamaşaçı izləyəcək.
"Eurovision" mahnı müsabiqəsinin təşkilat komitəsi müsabiqənin keçirilməsi üçün "İctimai TV" tərəfindən təklif olunmuş yeri təsdiq edib.
Yayım hüququna malik "İctimai TV" müsabiqəni keçirmək üçün 3 variant təklif etsə də, yeni tikilmiş "Baku Crystal Hall"a üstünlük verilib. Azərbaycanda yeni fəaliyyətə başlayan "www.baku3d.az" saytı Mədəniyyət və Turizm Nazirliyinin təşəbbüsü ilə "GoMap" xəritəsinə inteqrasiya edib.
Bundan sonra internet istifadəçiləri "www.baku3d.az" saytına daxil olmaqla "Google map" xəritəsi ilə yanaşı, milli resurs olan "GoMap" xəritəsi üzərində Azərbaycanda, o cümlədən paytaxt Bakıda olan park, muzey, məscid, tarixi abidə, restoran, otel, gözəllik salonları, avtosalon, xəstəxana, ticarət və əyləncə mərkəzlərini "3D" formatında virtual turlarını izləyəcəklər.
Hazırda sayt rus dilində fəaliyyət göstərir, lakin yaxın zamanlarda saytın Azərbaycan və ingilis dilində versiyaları da fəaliyyətə başlayacaq. Saytın unikal xüsusiyyəti internet istifadəçilərinin "Google" xəritəsi üzərindən Bakının istənilən rayon və qəsəbəsində yerləşən obyektləri "3D" formatında real mənzərəsini izləmək imkanı verməsidir.
SEYMUR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
