Məhkəməni uduzmuş "Samsung" şirkəti "Apple"-ın məhsullarını ələ salmaq üçün kampaniyaya başladı. Koreyalılar "alma" əleyhinə çəkdikləri son çarxda istehlakçını "iPhone"-nun qocalar üçün nəzərdə tutulmasına inandırmağa çalışıblar. Lakin statistika əksini söyləyir.
"ICTnews.az" elektron xəbər xidməti "vesti.ru" saytına istinadən bildirir ki, "ComScore" tədqiqat şirkətinin 2012-ci ilin avqustuna olan məlumatına əsasən, "iPhone" smartfonundan istifadə edənlərin 47,2 faizi 35 yaşdan yuxarı şəxslərdir. "Android" platforması ilə işləyən qurğularda bu göstərici 52,4 faiz təşkil edir.
Beləliklə, yaşlı insanların daha çox "Android" platforması ilə işləyən smartfonlardan istifadə etdiyi məlum olur. Deməli, "alma" məhsulunun imicini korlamaq istəyən "Samsung"-un cəhdləri həqiqətə uyğun deyil.
