“Pet-Proto” adlı robot “Boston Dynamics” şirkətinin hazırlaması olan “Petman” humanoid robotu əsasında hazırlanıb. “DARPA”-nın bəyanatına əsasən, “Pet-Proto” robotu qəzalı atom stansiyalarında, uçmuş binaların altında qalmış insanların xilas edilməsində istifadə olunacaq.
“ICTnews.az” elektron xəbər xidməti “rnd.cnews.ru” saytına istinadən bildirir ki, “Pet-Proto” robotunun əsas xüsusiyyəti çevik olmasıdır. O, demək olar ki, istənilən maneəni dəf etmək gücünə malikdir. Məsələn, nərdivana dırmaşır, dar körpü üzərinə qaçır və s.
