QHT-lərin maliyyə hesabatlarının elektron formatda təqdim edilməsi təklif olunur
Azərbaycanda növbəti illərdə qeyri-hökumət təşkilatlarının fəaliyyətinə dəstək məqsədilə bir sıra addımların atılması planlaşdırılır. Ölkədə hazırlanmış 2013-2018-ci illərdə QHT-lərin inkişafı üzrə Dövlət Proqramında bir çox məsələlər əksini tapıb. Burada təklif olunan əsas məsələlərdən biri hesabatların şəffaflaşdırılması və sadələşdirilməsi ilə bağlıdır.
"ICTnews" elektron xəbər xidmətinin məlumatına görə, bu fikirləri Azərbaycan Prezidenti yanında QHT-lərə Dövlət Dəstəyi Şurasının sədri, millət vəkili Azay Quliyev bildirib. Şura sədri bildirib ki, 5 min manata qədər büdcəsi olan QHT-lərin Maliyyə Nazirliyinə hesabat verməkdən azad olunmasını təklif edirlər.
Çünki bu, kiçik məbləğdir və onun üçün də sənəd təqdim etməyə ehtiyac yoxdur: «Sonrakı mərhələdə bu məbləğ 10 min manatadək artırıla bilər. İkinci təklif isə hesabatın strukturunun sadələşdirilməsi, elektron formatda təqdimatı ilə bağlıdır».
Proqramda QHT-lərin inkişafının davamlılığının artırılması üçün əlavə maliyyə resurslarının cəlb olunması, özəl sektorla əlaqələrin möhkəmləndirilməsi və s. yer alır.
SEYMUR
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
