Bu il Azərbaycanda Beynəlxalq Şəhərlərarası Stansiyanın NGN texnologiyasına keçirilməsi planlaşdırılır
Azərbaycan Rabitə və İnformasiya Texnologiyaları Nazirliyi İKT-nin inkişafı ilə bağlı tədbirlər planına əsasən yaxın zamanda ATS-lərdə daha müasir telekommunikasiya avadanlığının tətbiqini planlaşdırır. "ICTnews" xəbər xidmətinin məlumatına əsasən, rabitə və informasiya texnologiyaları nazirinin müavini İltimas Məmmədov bildirib ki, yaxın zamanda stasionar şəbəkədə kommutasiya avadanlıqlarının modernləşdirilməsi nəzərdə tutulub.
"Hazırda bütün ATS-lərin elektronlaşmasına baxmayaraq, artıq bu da yetərli deyil. Stansiyaların İP texnologiyaları ilə təchiz edilməsi və NGN texnologiyasının tətbiq edilməsi nəzərdə tutulur. Bu il biz artıq Beynəlxalq Şəhərlərarası Stansiyanın tamamilə dəyişdirilməsini planlaşdırırıq, bununla da ölkə vətəndaşlarına yeni müasir xidmətlərin təqdim edilməsi təmin ediləcək ", - deyə o bildirib.
NGN (Next Generation Network— yeni nəsil şəbəkələr) əsası İP-şəbəkələrdən ibarət olan səsin, məlumatların və multimedia xidmətlərinin ötürülməsini təmin edən multiservis rabitə şəbəkəsidir.
Aynur Vəliyeva
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
