waplog

Seysmoloji sahədə Yaponiya ilə əməkdaşlıq edilir



Azərbaycan Milli Elmlər Akademiyasının Respublika Seysmoloji Xidmət Mərkəzi ilə Yaponiyanın “OYO” şirkəti arasında əlaqələrin genişləndirilməsi üçün anlaşma protokolunun imzalanması barədə ilkin razılıq əldə edilib.

Mərkəzdən “ICTnews” xəbər xidmətinə verilən məlumata əsasən, AMEA-da keçirilən görüş zamanı “OYO – SHİNYEİ” şirkətinin prezidenti Toru Kajvara bildirib ki, Azərbaycanda seysmologiya sahəsində inkişaf, istər istifadə olunan seysmik cihazlar və avadanlıqlar, istərsə də tədqiqatların səviyyəsi nöqteyi-nəzərindən Yaponiya səviyyəsindədir.

Seysmoloji xidmətin rəhbəri Qurban Yetirmişli görüş çərçivəsində ölkədə 35 telemetrik seysmik stansiyanın fəaliyyət göstərdiyini qeyd edib.

“Bundan başqa 3 seysmik stansiya dənizin dibində quraşdırılacaq. Mərkəz tərəfindən 24 GPS stansiyalar quraşdırılıb. 1 GPS stansiyanın isə Saatlı rayonunda, dərinliyi 8000 m olan quyu üzərində yerləşdirilməsi nəzərdə tutulur. Çünki biz bu stansiya vasitəsilə yerin dərin qatlarında gedən prosesləri müşahidə edə bilərik. Həmçinin mərkəzdə geofiziki və geokimyəvi tədqiqatlar da aparılır", - deyə o bildirib.

Aynur Vəliyeva

NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL