Ən sürətlə inkişaf edən sosial şəbəkə hansıdır?
“Global Web Index” statistikasına istinad edən “TechCrunch” nəşri yazır ki, “Instagram” fotoxidməti ən sürətlə inkişaf edən sosial şəbəkə olub. 2013-cü ilin iki son rübündə “Instagram”ın aktiv istifadəçilərinin sayı 23% artıb.
“ICTnews” elektron xəbər xidməti “lenta.ru” saytına istinadən bildirir ki, ikinci yerdə “Reddit” saytı qərarlaşıb. “Reddit” eyni müddətdə aktiv auditoriyasını 13% artırıb.
Başqa sosial şəbəkələrdə cüzi artım qeydə alınıb. Belə ki, “Pinterest” şəbəkəsinin və “Quora” sual və cavablar saytının aktiv istifadəçilərinin sayı 6% artıb. “Twitter” mikrobloqlar xidmətində bu göstərici təxminən 2% olub.
“YouTube”, “Facebook”, "VKontakte" və "Odnoklassniki" mənfi dinamika göstərib. 2013-cü ilin ikinci yarısında hər bir sosial şəbəkə orta hesabla aktiv istifadəçilərinin 3%-ni itirib. Statistika 32 ölkədə yaşayan 170 min internet istifadəçisi arasında keçirilmiş sorğu nəticəsində “Global Web Index” tərəfindən toplanılıb.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
