Qeyri-neft sektorunda məhsul istehsalı artıb
Cari ilin yanvar-iyul aylarında ölkənin neft və qeyri-neft sektorunda ümumi daxili məhsul istehsalında ötən ilin müvafiq dövrü ilə müqayisədə artım olub. Dövlət Statistika Komitəsindən bildiriblər ki, ötən yeddi ayda neft sektorunda 14679,8 milyon manatlıq, qeyri-neft sektorunda isə 19315 milyon manatlıq ümumi daxili məhsul istehsal edilib.
Qeyd edək ki, Azərbaycanda ötən 11 ildə qeydə alınan sürətli iqtisadi inkişafda neft sektorunun rolu aparıcı olsa da, son illər qeyri-neft sektoru ümumi iqtisadi artımda önə çıxmaqdadır.
Rəsmi statistika və makroiqtisadi göstəricilərə əsasən, son 1 ildə ölkədə qeyri-neft sektorunda yüksək artım müşahidə olunub. Neft gəlirlərinin iqtisadiyyatın şaxələndirilməsinə hesablanmış xərclənmə strategiyası özünü doğruldub. Keçid dövrünü yaşamış hər bir ölkə kimi Azərbaycan da güclü iqtisadiyyat qurmaq üçün öz təbii resurslarından faydalanıb, ancaq bu resurslardan əldə etdiyi gəlirlər hesabına iqtisadiyyatını uğurla şaxələndirə və onun neftdən asılılığını minimuma endirə bilib.
Bu strategiya nəticəsində ölkədə tikinti, turizm, kənd təsərrüfatı, nəqliyyat, informasiya və kommunikasiya texnologiyaları sektorlarında davamlı artım tendensiyası davam edir. Bu tendensiyanın göstəricilərindən biri kimi, son 11 ildə ölkədə 1 milyondan yuxarı iş yeri yaradılıb və bunun böyük hissəsi məhz qeyri-neft sektorunun payına düşüb.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
