Milli Kitabxananın elektron bazası bütün mərkəzləşdirilmiş kitabxana sistemləri üçün açıq olsa da, bu xidmətlərdən yalnız bir neçə rayon yararlanır
Azərbaycan Milli Kitabxanasının (AMK) region kitabxanaları üçün nəzərdə tutulmuş avtomatlaşdırılmış sistemi, AMK-in elektron bazası bütün mərkəzləşdirilmiş kitabxana sistemləri (MKS) üçün açıqdır.
AMK-in direktoru, professor Kərim Tahirov bu fikri altı rayon - Quba, Qusar, Xaçmaz, Şabran, Siyəzən, Xızı üzrə keçirilən kitabxana mütəxəssislərinin zona müşavirəsində bildirib.
Professor regionların elektron resurs sorğularını tam və dolğun ödəmək imkanını önə çəksə də, bu xidmətlərdən yalnız bir neçə rayon MKS-nin yararlandığını qeyd edib. Müşavirədə “Ultra” şirkətinin əməkdaşları tərəfindən “ALİSA” sistemi də təqdim olunub.
Qeyd edək ki, “ALİSA” vahid elektron kitabxana sisteminin əsas üstünlüklərinə vahid mərkəzləşdirilmiş kitabxana sistemi; ən son texnologiyaların tətbiqi ilə hazırlanmış tam təhlükəsizliyi təmin olunmuş proqram təminatı; nəşrlərin elektron versiyaya keçirilməsi - Elektron Kitabxananın yaradılması; MEK vahid kitabxana sisteminin dünyada qəbul edilmiş MARC21 standartı üzərindən yaradılması; digər yerli və dünya kitabxana sistemləri ilə inteqrasiyanın mümkünlüyü; elektron kataloq; oxucu qeydiyyatı işinin sadələşdirilməsi və tam avtomatlaşdırılması; vahid oxucu bileti – smart card; kitabverilişi prosesinin sadələşdirilməsi və tam avtomatlaşdırılması; ətraflı axtarış sistemi; MEK portalın təkmilləşdirilməsi; MEK şəbəkəsinə daxil bütün kitabxanaların vahid portal daxilində səhifələrinin yaradılması; onlayn əməliyyatlar; onlayn axtarış; onlayn sifariş; onlayn rezervasiya daxildir.
Həmçinin sistemin imkanlarına sistem üzrə kitabxana işi ilə əlaqədar bütün növ statistika və hesabatların əldə olunması imkanı; icazələrin rollara müvafiq idarə edilməsi; mövcud kataloqların retrokonversiyası vasitəsilə saysız-hesabsız kartotekaların və kartların müasir “touch screen” monitorlarda daha kompakt və təhlükəsiz toplanması və retrokonversiya sistemi daxilində kart axtarışı imkanı; elektron növbə sisteminin yaradılması vasitəsilə oxucu sifarişi statusunun operativ şəkildə oxucuya çatdırılması; MEK muzey kolleksiyalarının vahid verilənlər bazası vasitəsilə bütün kolleksiya məlumatları kataloqunun yaradılması; MEK kitab mağazası üçün həll vasitəsilə alqı-satqı işinin avtomatlaşdırılması və sadələşdirilməsi, “ALISA” proqram təminatının kitabxana təhlükəsizlik sistemi ilə inteqrasiyası, müasir kitabxana modelini yaratmaq üçün müxtəlif avadanlıqların “ALISA” sistemi ilə inteqrasiyası; elektron növbə sisteminin ALISA sistemi ilə inteqrasiyası daxildir.
Həqiqət İSABALAYEVA
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
