Dubayda “3D” printerlə ofis binası tikiləcək
Dubayda “3D” printerin köməyi ilə ofis binasının inşası planlaşdırılır. Bu barədə Birləşmiş Ərəb Əmirliklərinin (BƏƏ) Nazirlər Kabineti işləri üzrə dövlət naziri Məhəmməd əl-Qarqavi bildirib.
Onun sözlərinə görə, ümumi sahəsi 185 kvadratmetr təşkil edən birmərtəbəli tikili hündürlüyü 6 metrdən çox olan printerdə laylar üzrə yaradılacaq. Həmçinin qurğunun köməyi ilə binanın struktur komponentləri və interyer əşyaları çap ediləcək. İnteryer əşyalarının hazırlanmasında dəmir-beton, gips, armaturlu şüşə və plastikdən istifadə ediləcək.
Bir neçə həftəyə ərsəyə gəlməsi nəzərdə tutulan layihədə Çinin binaların tikilməsi üçün üçölçülü çapdan hamıdan birinci istifadə etməyə başlayan “Winsun” şirkəti iştirak edəcək. 2015-ci ilin əvvəlində şirkət “3D” printer vasitəsilə yaradılan beşmərtəbəli yaşayış evi və sahəsi 1100 m2 olan villa təqdim edib.
Məhəmməd əl-Qarqavinin sözlərinə görə, üçölçülü printerlər ənənəvi bina tikilişi ilə müqayisədə tikinti vaxtını 50-70 faiz, iş xərclərini 50-80 faiz azaltmağa imkan verir.
Ofisin tikintisi 2015-ci ilin martında Dubayda başlayan “Gələcəyin muzeyi” (Museum of the Future) layihəsinin tərkib hissəsidir, - “3DNews” yazır.
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
