Avtomobili yerindən tərpətmək qabiliyyətinə malik miniatür robotlar yaradılıb
Qarışqaların bacarığından ilhamlanmış Stenford Universitetində çalışan tədqiqatçılar tərəfindən təqdim edilmiş miniatür robotlar avtomobili yerindən tərpətmək gücünə malikdir.
“ICTnews” Elektron Xəbər Xidməti “hitech.newsru.com” saytına istinadən yazır ki, bu miniatür robotlar üzərində işləyən alimlər qarışqaların əməkdaşlıq sahəsində bacarıqlarını araşdırıblar. Belə ki, sözügedən bacarıq sahəsində həşəratlar olduqca ağır obyektləri daşıya bilirlər.
Alimlər tərəfindən aparılan işin nəticəsi ümumi çəkisi 100 qram təşkil edən 6 robotdan ibarət komandanın yaradılması olub. 1800 kq ağırlığında maşına qoşulmuş bu robotlar onu yerdən tərpətməyə nail olublar.
