waplog

Yeni “iPhone 8” sukeçirməz korpusla təchiz ediləcək


Sentyabrın 7-də ilin ən çox gözlənilən smartfonu - “iPhone 8” modelinin rəsmi təqdimatı keçiriləcək.

“ICTnews” Elektron Xəbər Xidməti “VistaNews” resursuna istinadən yazır ki, təsdiq olunmamış rəsmi məlumatlara görə, “Apple” şirkətinin yeni qurğusu suyadavamlı korpusla təchiz olunacaq.  

Nüfuzlu insayderlər bildirir ki, “iPhone 8” modelinin “IP67” standartı üzrə hazırlanmasına görə yeni  smartfonu qısa zaman kəsiyində bir metr suyun dərinliyinə salmaq mümkün olacaq. Ekspertlər qeyd edir ki, bu vaxt sualtı dünyanın şəkillərini çəkmək üçün kifayət edəcək. Digər məlumata görə, “Apple” yeni qurğunu “Home” düyməsi ilə təchiz etməmək qərarına gəlib.

Xatırladaq ki, “iPhone 8” ilin ən çox gözlənilən smartfonu statusunu qazanıb. Dünya mobil qurğu bazarı ekspertlərinin fikrincə, smartfon buraxıldıqdan sonra satış həcminə görə bir sıra rekordlara imza atılacaq. ABŞ istehsalçısı smartfonun texniki xüsusiyyətləri barədə rəsmi məlumatlar verməyərək təqdimat ərəfəsində intriqanı son anadək saxlayır, eləcə də müasir qurğunun təxmini qiymətini açıqlamır.

Nizam Nuriyev 


NRYTN
İKT
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL