waplog

“iOS 11” mobil əməliyyat sisteminin çıxarılma tarixi açıqlanıb


“Apple” şirkəti “iOS 11” mobil əməliyyat sisteminin təqdimetmə tarixini açıqlayıb. ABŞ şirkətinin istehsalı olan mobil qurğuların istifadəçiləri 19 sentyabr 2017-ci ildən etibarən yeniləmələri pulsuz quraşdıra bilərlər.

“iOS 11” sistemində tamamilə yenilənmiş “App Store” mağazası, "sükan arxasında olanda məni narahat etmə" funksiyası və yenidən işlənmiş idarə mərkəzi əlçatan olacaq. Təkmilləşdirilmiş “Siri” köməkçisi səslə tərcümə etməyi və istifadəçi haqda informasiyadan başqa qurğularda istifadə etməyi öyrənəcək. “Apple Maps” xəritəsində ticarət mərkəzləri və aeroportların sxemləri öz əksini tapacaq.

“ICTnews” Elektron Xəbər Xidməti “dailycomm.ru” saytına istinadən yazır ki, “Messages”də yaradılan məzmun “iCloud” “bulud” saxlanc sistemi vasitəsilə sinxronlaşdırılacaq (bütün mesajlar bütün qurğularda aktual olacaq). “Apple Pay” ödəmə xidməti “iMessage” vasitəsilə və “Touch ID” üzrə autentifikasiyadan keçməklə istifadəçidən istifadəçiyə pul göndərə biləcək.

“iOS 11” mobil sistemi “iPhone 5s”, “iPad Air” və “iPad Pro”, beşinci nəsil “iPad”, “iPad mini” və həmçinin altıncı nəsil “iPod touch” qurğularını dəstəkləyir.

Emil Hüseynov


NRYTN
İKT
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL