waplog

“ThinQ” brendli süni intellektə malik “LG” məhsulları istehsal olunacaq


“LG” şirkəti süni intellektə malik məişət texnikasının buraxılacağı “ThinQ” subbrendini təqdim edib. Bu barədə şirkətin rəsmi saytında deyilir.
 
“ICTnews” Elektron Xəbər Xidməti “Life” resursuna istinadən yazır ki, istehsalçı ilk “LG ThinQ” məhsullarını yanvarın 9-12-də Los-Ancelesdə keçiriləcək illik “CES 2018” Beynəlxalq istehlak elektronikası sərgisində nümayiş etdirməyi planlaşdırır. Buna uyğun olaraq məhsulların 2018-ci ildə satışa çıxarılacağı gözlənilir.
 
Bildirilir ki, “CES 2017” sərgisində də şirkət süni intellektli elektronika üçün nəzərdə tutulan “DeepThinQ” brendini nümayiş etdirib. Bundan başqa, iyunda şirkət Cənubi Koreyanın paytaxtı Seulda süni intellektin hazırlanması ilə məşğul olan laboratoriyanı istifadəyə verib.
 
“LG” şirkəti hesab edir ki, süni intellekt texnologiyası elektronikanın gələcəyini təşkil edir və buna görə ona üstünlük vermək lazımdır. Şirkət süni intellektli məhsulları daha tanınmış etmək istəyir və bu məqsədlə onlar üçün ayrıca brend markası yaradıb.
 
Nizam Nuriyev 


NRYTN
İKT
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL