waplog

2009-cu ildən bəri qlobal smartfon bazarında ilk dəfə azalma qeydə alınıb


“IDC” analitik şirkətinin hesabatına görə, 2017-ci ildə dünya bazarına tədarük edilmiş smartfonların həcmi 2016-cı illə müqayisədə 0,1% azalaraq 1,47 milyard qurğu təşkil edib. Bu, 2009-cu ildən bəri qeydə alınmış ilk belə azalmadır.

“ICTnews” Elektron Xəbər Xidməti “hitech.newsru.ru” saytına istinadən yazır ki, yuxarıda adıçəkilən analitik şirkətdən bildirilib ki, dünya bazarında qeydə alınmış azalma Çin və ABŞ-da smartfonlara tələbatın azalması ilə izah edilir. Məsələn, ötən il Çində 2016-cı illə müqayisədə 4,9% daha az smartfon satılıb və dördüncü rübdə satış həcmi 15,7% azalıb. Bundan əvvəl analitiklər çinli istifadəçilər arasında smartfonlara tələbatın azalmasını yeni qurğu modellərinin istehlakçılarda maraq doğurmaması ilə izah ediblər.

“Mobile Research Group” şirkətinin aparıcı analitiki Eldar Murtazinin sözlərinə görə, ABŞ-da abunəçilər smartfonları, bir qayda olaraq, mobil operatorlarla müqavilə bağlayaraq satın alırlar. Buna uyğun olaraq, mobil şirkət hər il öz abunəçisinin köhnə aparatını daha müasiri ilə əvəz edir. Lakin ABŞ-ın smartfon bazarı öz pik nöqtəsinə çatıb və yeni abunəçilər olmadığından smartfonların tədarük həcmi azalmaqdadır.

Emil Hüseynov


NRYTN
İKT
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL