Salfet kağızının köməyilə sağlamlığa nəzarət etmək mümkün olacaq
Salfet və oxşar struktura malik tualet kağızı mikroməsaməli sellüloz lifləri və karbon nano borularından ibarət olan nanostrukturlaşdırılmış kompozit materiallardır. Bu, onlara elektrik cərəyanını yaxşı keçirməyə imkan verir və mexaniki təsirlərə qarşı çox həssas edir.
“ICTnews” Elektron Xəbər Xidməti “naked-science.ru” saytına istinadən yazır ki, alimlər müxtəlif xəstəliklərin diaqnostikası üçün sensor istehsal etməkdən ötrü nanokompozit materialın unikal xüsusiyyətlərindən istifadəyə dair qərar veriblər. Onlar salfeti su ilə hopduraraq onu ikitərəfli plastırın köməyi ilə insanın biləyinə yapışdırıblar və ona pyezorezistiv elementlər birləşdiriblər. Ürək döyüntüsünün təzyiqi altında paralel və perpendikulyar yerləşmiş sellüloz lifləri dartılıb ki, bunun sayəsində sensorun həssas elementləri nəbzi ölçə bilib.
Bir neçə santimetr ölçüsündə olan cihazı istifadədən sonra tullamaq olar. İstehsalçıların sözlərinə görə, bu ixtiranın tətbiqi sahəsi son dərəcə genişdir. Məsələn, onun köməyi ilə azyaşlı uşaqların və ya qocaların sağlamlıq vəziyyətinə nəzarət etmək olar.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
