“Huawei” şirkəti daha üç yeni smartfonunu təqdim edib
“Huawei” şirkəti “Enjoy 8 Series” sinfinə məxsus üç smartfonunu təqdim edib. Bu haqda “Gizchina” nəşri yazıb. Texniki xüsusiyyətlərindən asılı olaraq smartfonların qiymətləri 175-270 dollar aralığında dəyişəcək.
Yeni nəsil “Enjoy 8”, “Enjoy 8 Plus” və “Enjoy 8E” modellərindən ibarətdir.
“ICTnews” Elektron Xəbər Xidməti “life.ru” saytına istinadən yazır ki, “Enjoy 8”, “Enjoy 8E” aparatları “Qualcomm Snapdragon 430” prosessorları, “Enjoy 8 Plus” isə “Hisilicon Kirin 659” prosessoru ilə təchiz edilib. “Android 8.0 Oreo” mobil əməliyyat sisteminin idarəetməsi altında işləyən hər üç smartfonda ekranın tərəflər nisbəti 18:9-a bərabərdir və cihazlar ikiqat əsas kamera ilə təchiz edilib.
“Enjoy 8” aparatı iki versiyada əlçatandır: 3 QB-lıq əməli yaddaş, 32 QB-lıq daxili yaddaş və ya 4 QB-lıq əməli yaddaş, 64 QB-lıq daxili yaddaş. “Enjoy 8 Plus” smartfonu, həmçinin iki variantda əlçatan olacaq: 4 QB-lıq əməli yaddaş, 128 QB və ya 256 QB-lıq daxili yaddaş. “Enjoy 8E” smartfonu 3 QB-lıq əməli yaddaş və 32 QB-lıq daxili yaddaşa malik olacaq.
Hər üç qurğu Çinin smartfon bazarı üçün nəzərdə tutulub. Smartfonların başqa ölkələrə tədarükü haqda məlumat yoxdur.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
