“Instagram”a yeni baş direktor təyin edilib
“Facebook”un İnkişaf departamentinin vitse-prezidenti Adam Mosseri “Instagram”ın yeni direktoru təyin edilib. Bu haqda “Reuters” agentliyi məlumat paylaşıb.
“ICTnews” Elektron Xəbər Xidməti “belta.by” saytına istinadən yazır ki, Adam Mosseri 2008-ci ildə “Facebook”da dizayner kimi çalışmağa başlayıb, həmçinin o, sözügedən sosial şəbəkənin xəbər lentinə nəzarət edirdi. Son zamanlar isə “Instagram” üzərində işlərə məsul bölmələrdən birinin rəhbəri olub.
Məlumat üçün bildirək ki, “Instagram” sosial şəbəkəsinin yaradıcıları olan Kevin Sistrom və Mayk Kriqeri sentyabrın sonunda şirkətdən ayrılacaqlarını açıqlamışdılar. Onların gediş səbəbi bilinmir. Qeyd edək ki, Kevin Sistrom və Mayk Kriqer 2010-cu ildə “Instagram” foto xidmətini yaradıblar, 2012-ci ildə isə “Facebook” həmin xidməti 1 milyard dollara satın alıb.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
