BƏƏ və “NASA” arasında kosmonavtların hazırlığı haqqında saziş imzalanıb
Birləşmiş Ərəb Əmirliklərinin Kosmik Agentliyi ilə ABŞ Kosmik Agentliyi (NASA) arasında əmirlik kosmonavtlarının ABŞ-ın kommersiya kosmik gəmilərinin göyərtəsində kosmosa göndərilməsi üçün hazırlığı haqqında saziş imzalanıb.
“ICTnews” Elektron Xəbər Xidməti “RİA Novosti” resursuna istinadən yazır ki, sentyabrdan iki əmirlik kosmonavtı 2019-cu ilin aprelində Beynəlxalq Kosmik Stansiyanın Rusiya seqmentinə uçuş üçün Ulduz şəhərciyində hazırlıq keçir. Kosmonavtlardan birinin Beynəlxalq Kosmik Stansiyaya uçuşunun aprelin 5-16-da baş tutacağı gözlənilir.
“BƏƏ Kosmik Agentliyi Bremen şəhərində (Almaniya) kosmonavtika məsələlərinə həsr edilmiş beynəlxalq konfransda “NASA” ilə pilotlu kosmik uçuşların təşkili üzrə tarixi saziş imzalayıb. Sənəd əmirlik kosmonavtlarının ABŞ-ın kommersiya nəqliyyat vasitələrində kosmosa göndərilməsi üçün “NASA” obyektlərində hazırlıq strukturunu nəzərdə tutur”, - BƏƏ Kosmik Agentliyinin məlumatında deyilir.
Sazişi BƏƏ Kosmik Agentliyinin Direktorlar Şurasının sədri Əhməd bin Abdulla əl-Falasi və “NASA” rəhbəri Cim Braydenstayn imzalayıb.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
