ABŞ-ın daxili reyslərində sifətin tanınması sistemi tətbiq ediləcək
ABŞ-ın Federal Aviasiya Administrasiyası (FAA) daxili reyslərin həyata keçirildiyi aeroport və terminallarda sifətin tanınması texnologiyasını tətbiq edəcək.
“ICTnews” Elektron Xəbər Xidməti “Hightech” resursuna istinadən yazır ki, hazırda ölkənin şəhərlərinə uçan sərnişinlər beynəlxalq reyslərin sərnişinləri ilə müqayisədə sadələşdirilmiş yoxlanışdan keçirlər. Məsələn, yoxlanış pasportun skan edilməsi ilə bitir, barmaq izi və digər biometrik məlumatlar isə skan edilmir.
Administrasiya nümayəndələrinin fikrincə, daxili reyslər üzrə uçan sərnişinlər üzərində nəzarətin gücləndirilməsi aeroportların təhlükəsizlik səviyyəsini artırmağa və terror aktlarının qarşısını almağa imkan verəcək. Bu məqsədlə sahə üzrə tənzimləyici orqan ABŞ-ın gömrük və sərhəd nəzarəti xidmətləri tərəfindən toplanan ölkə vətəndaşlarının və əcnəbilərin fotoşəkilləri əsasında neyroşəbəkə hazırlamağı planlaşdırır.
Sistemin sınaqlarına ilin sonunadək Atlanta şəhərində yerləşən “Hartsfield-Jackson” beynəlxalq aeroportunda başlamaq planlaşdırılır. Sifətin tanınması sərnişinlərin qeydiyyatdan keçməsi və baqajın təhvil verilməsi zamanı həyata keçiriləcək.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
