“Windows”un yeni funksiyası təhlükəli “EXE” faylları təhlükəsiz işə salmağa imkan verəcək
"Microsoft" şirkəti "Windows 10" sistemində ".exe" genişlənməsinə malik təhlükəli faylları təhlükəsiz işə salmağa imkan verəcək funksiya istifadəyə verməyə hazırlaşır. Söhbət "Windows Sandbox" təcrid olunmuş mühiti barəsindədir. Sözügedən təcrid olunmuş mühitin köməyi ilə istənilən proqram və ya sənədi açmazdan əvvəl onun zərərli olub-olmadığını yoxlamaq mümkün olacaq.
"ICTnews" Elektron Xəbər Xidməti "hitech.vesti.ru" saytına istinadən yazır ki, yeni funksiya virtuallaşdırma texnologiyasından istifadə edir. İstifadəçi faylı açarkən "Windows 10" sistemi avtomatik olaraq çox sadə virtual maşın yaradır. Potensial zərərverici proqram təminatı bağlı, birdəfəlik konteynerin daxilində yoxlanılır.
"Windows Sandbox" təcrid olunmuş mühiti əsasən korporativ istifadəçilər üçün nəzərdə tutulub. Bu funksiya gələn ilin əvvəlində "Windows 10 Pro" və "Windows 10 Enterprise" sistemlərinin peşəkar versiyalarında tətbiq ediləcək.
Emil Hüseynov
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
