waplog

“Google” smartfonların köməyilə istifadəçilərin hesabını qoruyacaq


İkimərhələli avtorizasiya – şəbəkə identifikatorlarının oğurlanması ilə mübarizədə populyar üsuldur, amma fiziki təhlükəsizlik açarı fişinq hücumlarına qarşı mübarizədə ən etibarlı və dayanıqlı metod hesab edilir. Bu metodun yeganə çatışmazlığı onun qiymətinin baha olmasıdır. Lakin “Google” bu məhdudiyyəti keçmək üsulunu tapıb.

 

“ICTnews” Elektron Xəbər Xidməti “4pda.ru” saytına istinadən yazır ki, internet nəhəngi öz rəsmi bloqunda elan edib ki, “Android 7.0 Nougat” və yuxarı versiyaların idarəetməsi altında işləyən “Android” qurğuları bundan sonra fiziki təhlükəsizlik açarı kimi istifadə oluna bilərlər. İkimərhələli avtorizasiya metodlarından fərqli olaraq hesaba girişi təsdiq etmək üçün smartfon fərdi kompüter və ya noutbukun yaxınlığında olmalıdır.

 

Yeni müdafiə sxemi “Google” hesabının köməyilə avtorizasiya zamanı “Gmail”, “G Suite”, “Google Cloud” və başqa xidmətlərdə işləyir. Gələcəkdə dəstəklənən sayt və xidmətlərin siyahısının artırılması gözlənilir.

 

Emil Hüseynov



NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL