Aİ ölkələri “Wi-Fi” əsasında avtomobil standartının tətbiqinin əleyhinə çıxış ediblər
Avropa İttifaqı ölkələri Aİ icraiyyə orqanının "Wi-Fi" əsasında avtomobil standartının tətbiqi ilə bağlı təklifinin əleyhinə səs veriblər.
"ICTnews" Elektron Xəbər Xidməti "3DNews www.3dnews.ru" resursuna istinadən yazır ki, 21 ölkə, o cümlədən güclü avtomobil sənayesinə malik Almaniya, Fransa və İtaliya Brüsseldə 28 təşkilat üzvünün toplaşdığı tədbirdə bu təklifin əleyhinə çıxıb.
Xatırladaq ki, apreldə Aİ-nin əsas qanunverici komitəsi Avropa Komissiyasının "Wi-Fi" texnologiyasının avtomobillər üçün istifadəsi ilə bağlı tələbini rədd edərək beşinci nəsil mobil rabitə şəbəkəsi (5G) əsasında alternativ standartın inkişaf etdirilməsini dəstəkləyib.
Avtomobillər arasında rabitə üçün "Wi-Fi" texnologiyası əsasında "ITS-G5" (intellektual nəqliyyat sistemləri) texnologiyasından istifadənin tərəfdarları kimi "Volkswagen", "Renault", "Toyota", "NXP", "Autotalks" və "Kapsch TrafficCom" şirkətləri çıxış edir.
"5G" əsasında "C-V2X" avtomobil standartından istifadə üzrə tərəfdarlar sırasına "Daimler", "Ford", "PSA Group", "Deutsche Telekom", "Ericsson", "Huawei", "Intel", "Qualcomm" və "Samsung" şirkətləri daxildir. Avropa Komissiyası "Wi-Fi" texnologiyasını dəstəkləməsini hazırda onun "5G"dən fərqli olaraq istifadə olunması və ondan istifadənin yol hərəkətinin təhlükəsizliyini artıracağı ilə izah edib.
Öz növbəsində "5G" tərəfdarları qeyd edir ki, bu texnologiya əyləncə, avtomobillər arasında məlumat mübadiləsi və naviqasiya kimi sahələrdə tətbiq edilmə üçün daha geniş spektrə malikdir.
Nizam Nuriyev
NRYTN
TEXNOLOJİ YENİLİKLƏR
POÇT
XƏBƏRLƏR
HAQQIMIZDA
İKT
ŞAD KODLARI
TANINMIŞLAR
MÜSAHİBƏLƏR
MARAQLI
TƏHLİL
