“Xiaomi” şirkəti “Redmi” brendi adı altında 70 düymlük televizorunu təqdim edib.
“ICTnews” Elektron Xəbər Xidməti “ferra.ru” saytına istinadən yazır ki, “Redmi TV” adlandırılmış televizorun displeyinin diaqonalı 70 düym, təsvir ölçüsü 4K təşkil edir. Televizorda 3 “HDMI” konnektoru, 2 “USB” port var, həmçinin “Wi-Fi” texnologiyasını dəstəkləyir. Sözügedən televizor “Xiaomi”nin digər "ağıllı" qurğularına asanlıqla qoşula bilər.
Qiyməti təxminən 532 dollar olan televizor sentyabrın 10-da satışa çıxarılacaq.
Emil Hüseynov