2010-cu ilin noyabr ayında təsdiq edilmiş “PCİ Express 3.0”-ün indiki spesifikasiyası verilənlərin 8 GT/s sürətlə ötürülməsini təmin edir. Bu isə “PCİ Express 2.0” ilə müqayisədə 60% çoxdur. İstehsalçılar energetika effektivliyinin artımına görə göstəricinin ikiqat artırılmasından imtina ediblər.
“PCİ Express 4.0” standartında spesifikasiyanın üçüncü versiyası (PCİ Express 3.0) ilə müqayisədə verilənlərin ötürülmə sürəti 2 dəfə artacaq, yəni verilənlərin ötürülmə sürəti 16 GT/s olacaq.“PCİ Express 4.0” üçün bir sıra əlavə funksiyaların reallaşdırılması planlaşdırılır: xüsusilə, enerji istehlakı optimallaşdırılacaq.
“PCİ-SİG” təşkilatı “PCİ Express 4.0” spesifikasiyasının son versiyasını 2014 və ya 2015-ci ildə təqdim etməyi planlaşdırır. İnterfeysin server, işçi stansiya, stolüstü kompyuter, noutbuk, planşetlərdə istifadə olunacağı gözlənilir.