“Lenovo” şirkəti “Windows Phone 7” proqram platformasında olan ilk smartfonunu hazırlayır,- veb-mənbələr bildirib. Bildirilib ki, aparat görünüşcə “LePhone S2 Android” modelini xatırladır.
“Lenovo” nümayəndələrinin sözlərinə əsasən, şirkətin “Windows” əsasında olan ilk smartfonu 2012-ci ilin ikinci yarısında “LePhone” brendi altında istehsal ediləcək. Üçüncü rübdə dünyada təxminən 115 milyon smartfon satılıb; “Windows” aparatlarının payı isə bu halda 1,5% təşkil edib. Müqayisə üçün: “Android” əməliyyat sistemi ilə işləyən smartfonların payı 52,5% təşkil edib.