Delftski Texniki Universitetinin tələbəsi Ben Allen Londonda dünyanın ən böyük oyun kontrollerini təqdim edib. Bu, rəsmi olaraq "Ginnessin rekordlar kitabı"nda qeyd edilib. Nəhəng ölçülərinə baxmayaraq, qurğu tamamilə işləkdir. Düzdür, onunla işləmək üçün ən azı 2 insan lazım olacaq.
"NES" oyun konsolları üçün kontrollerin surəti orijinaldan təxminən 30 dəfə çoxdur. Nəhəng oyun kontrollerinin ölçüləri 3,7 x 1,5 x 0,3 m, çəkisi isə 120 kq-dan çox təşkil edir. Tələbə bildirib ki, aparatın hazırlanmasına təxminən 6 min dollar sərf edib.
