PROQRAM TƏMİNATI

Tarix:27/03/12

“Firefox”dan “Windows”a zərbə

Populyar “Firefox” veb-səyyahının tərtibatçıları bildiriblər ki, proqramın növbəti versiyası “Windows 2000”, həmçinin “Windows XP RTM” və “XP SP1” əməliyyat sistemlərində işləməyəcək.

"Bunun nəticəsində “Windows” əməliyyat sistemində veb-səyyahın məhsuldarlığı əhəmiyyətli dərəcədə artacaq" - layihənin rəsmi bloqunda bildirilib. Şirkət qeyd edib ki, köhnəlmiş əməliyyat sistemlərinin dəstəklənməsi proqramın inkişafını güclü şəkildə tormozlayır.

“İCTnews” elektron xəbər xidməti bildirir ki, müasir hazırlama üsullarından istifadə edilmənin qeyri-mümkünlüyü veb-səyyahın daha az effektiv işləməsinə səbəb olur, onun işləmə sürəti azalır. Məlumat üçün bildirim ki, hazırda “Microsoft” korporasiyası rəsmən yalnız “Windows XP SP3” istifadəçilərinə dəstək göstərir.

Qeyd edim ki, “Mozilla” cəmiyyəti aprelin 24-də “Firefox 3.6” veb-səyyahının dəstəklənməsini tamamilə dayandıracaq. Həmçinin həmin gün “Firefox 12” veb-səyyahı istifadəyə veriləcək.

EMİL

Baxış sayı: 960