XƏBƏRLƏR

Tarix:06/04/12

Şagirdlər arasında intellektual yarışma keçirilib

Heydər Əliyev adına Müasir Təhsil Kompleksində (MTK) yeddinci sinif şagirdləri arasında ənənəvi "Bilici" intellektual yarışması keçirilib.

MTK-dan verilən məlumata görə, bu cür tədbirlərin keçirilməsinin məqsədi şagirdlərin intellektual biliklərini və dünyagörüşlərini inkişaf etdirməkdir.

Üç mərhələdən ibarət yarışmada alternativ suallara cavab verərək ikinci mərhələyə keçən şagirdlər digər iki mərhələdə Azərbaycanın milli kinoları haqqında sualları cavablandırıblar.

Məktəbin VII sinif şagirdi Namiq Dəmirov yarışmanın qalibi olub. Tədbirdə Azərbaycanın milli kino tarixi haqqında maraqlı məlumatlar verilib, videoçarx nümayiş etdirilib.

Baxış sayı: 1182