Tarix:14/04/12

“Microsoft Office” ofis əlavələri paketinin növbəti versiyası gələn il çıxacaq

İnternetdə növbəti informasiya sızması nəticəsində “Microsoft” korporasiyasının bəzi əsas məhsullarının çıxma müddəti məlum olub. “Meetroo” İT şirkətinin direktoru Maarten Visser “Twitter”  mikrobloqunda bildirib ki, “İnternet Explorer” veb-səyyahının onuncu versiyası 2012-ci ilin ortasında işıq üzü görəcək.

Həmçinin, eyni vaxtda   “Office”, “SharePoint”, “Exchange” və “Visio” proqramlarının beta-quraşdırılması çıxa bilər. Bu 4 məhsulun final relizi isə 2013-cü ilin əvvəlinə nəzərdə tutulub.

“İCTnews.az” elektron xəbər xidməti “dailycomm.ru” saytına istinadən  bildirir ki, Visser məhsulların buraxılış planını açıq mənbədən – “Microsoft” korporasiyasının partnyorlarının birindən əldə edib.






 
 
EMİL

Baxış sayı: 1511

© İstifadə edilərkən İctnews-a istinad olunmalıdır