12px13px15px17px
Tarix:18/04/12

"Windows 8" dil interfeysi Azərbaycan dilinə lokallaşdırılacaq

"Windows 8" əməliyyat sisteminin dil interfeysinin Azərbaycan dilinə tam lokallaşdırılması "Windows XP" və "Windows 7"nin lokallaşdırılmasından daha tez həyata keçiriləcək. Bu barədə "Microsoft"un Mərkəzi və Şərqi Avropa ölkələri üzrə baş meneceri Veronika Prikrılova Azərbaycanın texnika və texnologiyalar haqqında "InfoCity" jurnalına müsahibəsində bildirib.

"Əməliyyat sisteminin özəyinin lokallaşdırılması məhsulun necə layihələşdirilməsindən çox asılıdır. Buna rəğmən, şirkətin strategiyası hər bir yeni variantda lokallaşdırılması asan olan məhsulların yaradılmasından ibarətdir", - Prikrılova deyib.

O, həmçinin Azərbaycan hökumətinin əqli mülkiyyət hüququnun müdafiəsi üzrə qanunvericiliyin hazırlanması və tətbiqi prosesində göstərdiyi əhəmiyyətli səyləri qeyd edib.

"Azərbaycan hökuməti ötən il müvafiq saziş imzalayıb, dövlət strukturları isə özlərində yalnız leqal proqram təminatının istifadə edilməsi imkanlarını öyrənir. Azərbaycan hökuməti nəzarət etdiyim MDB ölkələri arasında irəliyə belə böyük addım atan ilk hökumətdir", - Prikrılova deyib.

Onun sözlərinə görə, bir sıra ölkələrdə pirat satışlarının göstərici səviyyəsi olduqca yüksəkdir. Buna görə də şirkət BMT-nin Beynəlxalq ticarət hüququ komissiyasının (UNCITRAL) növbəti hesabatını gözləyir. Hesabat regionda vəziyyətin nə qədər dəyişdiyini göstərəcək. Hələlik isə şirkət Azərbaycan hökumətinin pirat məhsullarının ticarət səviyyəsinin azaldılması üzrə atdığı düzgün addımlara ümidlə baxır.

"Azərbaycanı praktiki olaraq, Balkan ölkələrinin keçdiyi uzun yol gözləyir. Balkan ölkələri bu gün artıq Avropa İttifaqına daxil olmağa hazırlıq yolunda daha fəal fəaliyyətə keçiblər", - Prikrılova vurğulayıb.
 




Baxış sayı: 1531

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






04 Mart 2024

03 03 2024