XƏBƏRLƏR

Tarix:25/04/12

İctimai Televiziyada yeni peyk sistemlər və HD görüntü yaradan texnika quraşdırılır

İctimai Televiziya və Radio Yayımları şirkətində yeni peyk sistemlər və HD formatlı görüntü yaradan texnika quraşdırılır. Bu barədə "İCTnews" elektron xəbər xidməti İTV-yə istinadən məlumat verir. Yüksək keyfiyyətlə siqnalların ötürülməsi imkanı yaradan yeni avadanlıqlar HD formatlıdır.

Televiziyada yeni texnologiyaya keçid sayəsində kameralar, müasir standartlara cavab verən səs və videopultlar da HD formatına uyğun şəkildə yenilənib.

Yaxın vaxtda başa çatacaq işlər İctimai televiziya tamaşaçılarının HD formatında ötürülən siqnal vasitəsi ilə yüksək keyfiyyətli görüntü əldə etmələrinə imkan yaradacaq. Qeyd edək ki, müasir standartlara cavab verən HD formatlı texnologiya Azərbaycanda ilk dəfə 1-ci kanalda quraşdırılır.

CAHANGİR

Baxış sayı: 951