XƏBƏRLƏR

Tarix:24/05/12

5000-dən çox pirat disk məhv edilib

Pirat CD və DVD-lərin məhv edilməsi ilə bağlı İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti (ASİHMDX) tərəfindən verilən məcburi göstərişin icrası təmin edilib.

Göstərişin nəticəsi olaraq, yoxlama zamanı aşkarlanmış 5047 ədəd pirat CD və DVD-lər qanunvericilikdə müəyyən olunmuş qaydada məhv edilib. Bu barədə “İCTnews” elektron xəbər xidmətinə nazirliyin mətbuat xidmətindən məlumat verilib. Nazirlikdən qeyd edilib ki, pirat audiovizual məhsullarının satışının qarşısı bir müddət əvvəl alınıb.

Belə ki, ASİHMDX-nin Bakı şəhəri, Yasamal rayonu, A.Abbasov küçəsi, ev 16 ünvanında Amin Hümbətova məxsus mağazada apardığı yoxlama zamanı müəllif və ya əlaqəli hüquqların sahibinin razılığı olmadan istehsal edilmiş, habelə üzərində istehsalçı barədə heç bir məlumat göstərilməmiş pirat audiovizual məhsulların satıldığı aşkarlanmışdı. Aşkar edilmiş pirat CD və DVD-lərin məhv edilməsi ilə bağlı Dövlət Xidməti tərəfindən Amin Hümbətova icrası məcburi göstəriş verilmişdi.

HƏQİQƏT

Baxış sayı: 863