MARAQLI

Tarix:29/05/12

Stiv Cobsun xidməti məktubu hərraca çıxarılıb

“Apple” şirkətinin gələcək baş direktoru Stiv Cobs tərəfindən 1974-cü ildə tərtib edilmiş xidməti məktub “Sotheby's” hərracına çıxarılıb. Qeyd edim ki, Stiv Cobs 1974-cü ildə “Atari” şirkətində işləyirdi.

“İCTnews.az” elektron xəbər xidməti “lenta.ru” saytına istinadən bildirir ki, məktub 4 vərəqdən ibarətdir və “Atari” şirkətinin əməkdaşı Stiv Bristova ünvanlanmışdı. 1974-cü ildə 19 yaşlı Cobs sənəddə onun fikrincə, “World Cup Football” oyununda tətbiq edilməsi mümkün olan təkmilləşdirmələri təsvir etmişdi. “World Cup Football” oyun avtomatları üçün nəzərdə tutulmuşdu.

Məktubu 10-15 min dollar həcmində qiymətləndiriblər. Hərrac iyunun 15-də olacaq.Məlumat üçün bildirim ki, Stiv Cobs “Atari” şirkətinə təxminən 1974-cü ildə daxil olub və “Apple Computer” şirkətinin əsası qoyulana kimi orada işləyib. O, “Atari” şirkətində texnik vəzifəsində işləyib.

EMİL

Baxış sayı: 773