PROQRAM TƏMİNATI

Tarix:18/06/12

Proqram təminatı bazarında artım sürəti zəifləyib

“IDC” (International Data Corporation) tədqiqat şirkəti proqram təminatı bazarındakı vəziyyəti təhlil edib.
“İCTnews.az” elektron xəbər xidməti “dailycomm.ru” saytına istinadən bildirir ki, 2011-ci ildə proqram təminatı bazarında ikirəqəmli artım sürəti qeydə alınıb.

Lakin “IDC” şirkətinin analitikləri bu artımın gələcək illərdə saxlanılacağına əmin deyillər. "Hazırda EMEA regionunda yaşanan iqtisadi çətinliklərlə əlaqədar burada artım gözlənilmir" – “IDC” tərəfindən tərtib edilən “Worldwide Software Trackers” hesabatının rəhbəri Patrik Melqarexo bildirib.

2011-ci ildə proqram təminatının 35 ən iri istehsalçısı məhsullarının satışlarından 1 milyard dollardan çox pul qazanıblar. Bu isə bazarın 62 faizi deməkdir. “IDC” tədqiqat şirkətinin məlumatına görə, digər hissəni isə 1129 şirkət öz aralarında bölüşdürüblər.

“Microsoft” korporasiyası əvvəlki kimi dünyada ən böyük proqram təminatı istehsalçısı olaraq qalır. Korporasiya ən yaxın izləyicisi “IBM”-i təxminən 2 dəfə qabaqlayır. Liderlər üçlüyündə, həmçinin “Oracle” şirkəti qərarlaşıb.

EMİL

Baxış sayı: 1522