XƏBƏRLƏR

Tarix:02/07/12

Cərrahlar üçün varikoz xəstəliklərin əməliyyatları canlı yayımlanıb

Səhiyyə Nazirliyinin dəstəyi ilə Mərkəzi Neftçilər Xəstəxanası Ürək-Damar Xəstəlikləri Mərkəzinin və “Azərbaycan Ürək və Sağlamlıq Assosiasiyası” İB-nin birgə təşkilatçılığı ilə keçirilən “VNUS Endovenoz RF Ablasiya” elmi-praktiki kursu başa çatıb. “ICTnews” elektron xəbər xidmətinə bu barədə Səhiyyə Nazirliyinin Mətbuat xidmətindən məlumat verilib.

Nazirlikdən bildirilib ki, kursun əsas mövzusunu varikoz xəstəliklərinin anatomiyası, diaqnostikası və müalicəsində əldə edilən son nailiyyətlər təşkil edib. Kurs zamanı əməliyyatxanadan canlı yayım vasitəsilə radiofrekans ablasiya üsulu ilə varikoz xəstəliklərin əməliyyatları tətbiq olunaraq bu texnikalar ölkəmizin bütün damar cərrahları qarşısında nümayiş etdirilib.

Kursun tədrisində iştirak və rəhbərlik etmək üçün Türkiyənin bu sahədə aparıcı mütəxəssisləri olan Dr. İlhan Yurdakul və Dr. Mert Dumantepe dəvət olunublar: “Ənənəvi hal alan bu cür elmi toplantıların keçirilməsi ölkələrarası tibbi təcrübə və bilik mübadiləsinə xidmət edir və bu kurs da ölkəmizdəki tibb sahəsinə öz töhfəsini verəcək”.

HƏQİQƏT

Baxış sayı: 999