XƏBƏRLƏR

Tarix:19/07/12

Doktorant və dissertantların informatika fənni üzrə namizədlik imtahanları başa çatıb

Azərbaycan Milli Elmlər Akademiyasının İnformasiya Texnologiyaları İnstitutunda doktorant və dissertantların informatika fənni üzrə namizədlik imtahanları başa çatıb.

Namizədlik minimumu imtahanlarına hazırlıq məqsədilə doktorant və dissertantlar üçün institutun tədris-innovasiya mərkəzində kurslar təşkil olunub. İmtahana hazırlıq prosesində kompyuter və proqram təminatlarından, elmi-tədqiqat işlərində internet və informasiya-kommunikasiya texnologiyalarının üstünlüklərindən səmərəli istifadə ilə bağlı zəruri biliklər tədris olunmuşdur. Bununla yanaşı, informasiya texnologiyalarının yeni istiqamətləri üzrə mühazirələr oxunub.

İmtahanlar 4 istiqamət üzrə keçirilib.Bir ay davam edən imtahanlarda 579 doktorant və dissertant iştirak etmişdir. Onlardan 308-i “əla”, 182-si “yaxşı”, 45-i “kafi”, 44-ü isə “qeyri-kafi” qiymətləndirilib.

Baxış sayı: 1046