XƏBƏRLƏR

Tarix:20/07/12

Parisdə Azərbaycanın mədəni irs abidələrinin nüvə texnologiyaları vasitəsilə araşdırılması müzakirə olunub

Azərbaycan alimi, AMEA Radiasiya Problemləri İnstitutunun şöbə müdiri Dinara Abbasovanın "UNESCO" tərəfindən keçirilən 21-ci "Radiokarbon" beynəlxalq konfransında iştirakı ilə bağlı Parisə səfəri zamanı Fransanın "WIN" (women in nuclear) Assosiasiyasının prezidenti Dominik Mouillot və Luvr muzeyi "Tədqiqat və araşdırma Mərkəzi"nin direktoru Maria-Felomena ilə də görüşüb.

"ICTnews" elektron xəbər xidmətinin məlumatına görə, bu barədə Azərbaycan Milli Elmlər Akademiyasının məlumatında deyilir.

Görüş zamanı Azərbaycanın mədəni irs abidələrinin nüvə texnologiyaları vasitəsi ilə öyrənilməsi üzrə birgə elmi araşdırmaların aparılması müzakirə olunub.Xatırladaq ki, D.Abbasova Ümumdünya "WIN" Assosiasiyasında Azərbaycanın rəsmi nümayəndəsidir.

CAHANGİR

Baxış sayı: 1005