12px13px15px17px
Tarix:23/08/12

İnformasiya texnologiyaları cinayətlərində şübhəli bilinən şəxs beynəlxalq axtarışa verilib

İnformasiya texnologiyaları cinayətlərində şübhəli bilinən daha bir Türkiyə vətəndaşı beynəlxalq axtarışa verilib. Azərbaycan hüquq-mühafizə orqanları onun tapılması üçün İnterpola müraciət edib.

"ICTnews" elektron xəbər xidmətinin məlumatına görə, bu barədə İnterpolun rəsmi internet səhifəsində xəbər yerləşdirilib. Xəbərdə bildirilir ki, Türkiyə vətəndaşı, 33 yaşlı Şahin Nejip informasiya texnologiyaları cinayətləri və dələduzluqda təqsirli bilinir.

Hazırda onun saxlanması üçün tədbirlər görülür. Məlumat üçün bildirək ki, bir müddət bundan əvvəl Azərbaycan digər bir Türkiyə vətəndaşını da beynəlxalq axtarışa verib. 42 yaşlı Jak Matalon da informasiya texnologiyaları cinayətləri və dələduzluqda təqsirli bilinir. Jak Matalon Türkiyədə, habelə dünyada informasiya texnologiyaları sahəsində güclü mütəxəssislərdən biri hesab olunur. Onun "Arustel" şirkətinin baş direktoru vəzifəsində çalışdığı bildirilir.

SEYMUR



Baxış sayı: 693

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 May 2020

28 05 2020