XƏBƏRLƏR

Tarix:27/08/12

Yerli bank onlayn ödənişlər sistemində hədiyyə kampaniyasına start verir

“NBC Bank” “Bill Pay” onlayn ödənişlər sistemində yeni hədiyyə kampaniyasına başlayır. “ICTnews” elektron xəbər xidmətinin banka istinadən verdiyi məlumata görə, kampaniya çərçivəsində müştərilər hədiyyələri qazanmaq üçün bonuslar toplamalıdır.

Ay ərzində “NBC Bank”ın “Bill Pay” onlayn ödənişlər sistemində 30 000 bonus toplayan müştərilərə bank tərəfindən müxtəlif cür hədiyyələr veriləcək. Bu sistemdən istifadə edən müştəri hər köçürülmüş 1 qəpiyə görə 1 bonus əldə edəcək.

Xatırladaq ki, “Bill Pay” vasitəsi ilə bankın filial və şöbələrinə, poçta getmədən, günün istənilən vaxtı və istənilən məkanda heç bir komisyon haqqı ödəmədən kredit, kommunal, mobil telefon, internet provayder, kabel TV və digər ödənişləri “VISA” və “MASTER CARD” tipli plastik kartlarla internet vasitəsi ilə ödəmək mümkündür.

Onlayn xidmətdən yararlanmaq istəyənlər bu linkdən (http://billpay.nbcbank.az/) istifadə etməklə öz ödənişlərini edə bilərlər. “Bill Pay” sistemindən qeydiyyatdan keçən hər bir istifadəçi ödəniş etdiyi xidməti və müvafiq kodu 1 (bir) dəfə qeyd edir və beləliklə də gələn dəfə bu məlumatları yenidən daxil etmək zərurəti ilə üzləşmir. Həyata keçirilən bütün ödənişlər yaddaşda saxlanılır. Müştəri istədiyi zaman etdiyi ödənişlərə baxa bilər və öz ödənişləri üzrə çıxarışları çap edə bilər.

CAHANGİR

Baxış sayı: 1509