XƏBƏRLƏR

Tarix:27/08/12

Elektron informasiya vasitələrində dövlət dilinin işlənməsi vəziyyəti öyrəniləcək

«Dilçilik İnstitutunun nəzdində Azərbaycan dilinin işlənməsi vəziyyətinin öyrənilməsi məqsədilə yaradılacaq xüsusi monitorinq qrupu yazılı və elektron informasiya vasitələrində, müəssisələrdə, diplomatik nümayəndəliklərdə, nazirliklərdə dövlət dilinin işlənməsi vəziyyətini öyrənəcək.

Qrup araşdırmalardan sonra zəruri təkliflərlə çıxış edəcək». “ICTnews.az” elektron xəbər xidmətinin məlumatına görə, bu fikirləri mətbuata verdiyi açıqlamasında Azərbaycan Milli Elmlər Akademiyasının Dilçilik İnstitutunun direktoru Fəxrəddin Vəliyev söyləyib.

Qeyd edək ki, Prezident İlham Əliyevin 2012-ci il mayın 23-də imzaladığı sərəncama əsasən hazırlanan "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair” Dövlət Proqramının ilkin variantı artıq hazırdır. Sənəd respublikanın görkəmli elm xadimlərinin, ziyalıların rəyinin alınması üçün təqdim edilib.

F.Vəliyev bildirib ki, bütün rəy və təkliflərin ümumiləşdirilməsi üçün yaxın zamanda son iclas keçiriləcək. Daha sonra sənəd baxılmaq üçün Nazirlər Kabinetinə təqdim olunacaq.

SEYMUR

Baxış sayı: 888