12px13px15px17px
Tarix:29/08/12

“Lexmark” şırnaqlı printerlərin istehsalını dayandıracaq

Amerikanın “Lexmark” şirkəti xərclərini azaltmaq məqsədi ilə yenidənqurma prosesi həyata keçirəcək.
“ICTnews.az” elektron xəbər xidməti “lenta.ru” saytına istinadən bildirir ki, “Lexmark” şirkəti yenidənqurma prosesi çərçivəsində şırnaqlı printerlərin hazırlanması və istehsalını dayandıracaq.

“Lexmark” şirkəti mövcud müştərilərə dəstək göstərəcəyinə və onları lazımi materiallarla təmin edəcəyinə söz verib.

Şirkət, həmçinin 1700 iş yerini ixtisar edəcək və 2015-ci ilədək  Filippində yerləşən zavodunu bağlayacaq. 2011-ci ilin sonuna olan məlumata əsasən, “Lexmark” şirkətində 13300 insan çalışıb.
“Lexmark” şirkəti bu tədbirlər sayəsində 2013-cü ildə 85 milyon dollara və 2015-ci ildə 95 milyon dollara qənaət etməyi nəzərdə tutub.

“Lexmark” şirkəti “IBM” printer istehsalı  bölməsi əsasında 1991-ci ildə yaradılıb. Şirkət şırnaqlı printerlərdən savayı, matris və lazer printerləri və çoxfunksiyalı qurğular da istehsal edir.
 
EMİL




Baxış sayı: 749

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024