MARAQLI

Tarix:31/08/12

Tokio məhkəməsi “Apple” şirkətinin “Samsung”a olan iddiasını rədd edib

Tokio dairə məhkəməsi Amerikanın “Apple” korporasiyasının patent hüququnun pozulması ilə bağlı Cənubi Koreya şirkətinə qarşı qaldırdığı iddiasını rədd edib. “Samsung” şirkətini 8 smartfon modelində kənar ixtira və hazırlamalardan qanunsuz istifadədə ittiham etmişdilər.

“ICTnews.az” elektron xəbər xidməti “itar-tass.com” saytına istinadən bildirir ki, Tokio məhkəməsi “Apple” korporasiyasının iddiasını əsassız sayıb.

Lakin çıxarılmış qərar hər iki korporasiyanın yapon bazarı uğrunda apardığı “müharibə”də nöqtə qoymur. Prosesdə yalnız kompyuterdəki musiqi və digər məlumatların smartfon və planşetlərə ötürülməsi texnologiyası haqqında kifayət qədər dar məsələyə baxılırdı. Hazırda hər iki şirkət dünyanın 10 ölkəsində belə məhkəmə prosesləri aparır.

EMİL

Baxış sayı: 1050