XƏBƏRLƏR

Tarix:03/09/12

“Elektronika və fotonika üçün nanotexnologiya platformaları” üzrə seminar bu gün yekunlaşır

Finlandiyanın Oulu şəhərində Avropa Birliyinin 7-ci Çərçivə Proqramı üzrə “NAPEP” layihəsinin (EU FP7-INCO-2010-6 project “Elektronika və fotonika üçün nanotexnologiya platformaları”) iştirakçılarının növbəti seminarı bu gün – 3 sentyabr tarixində yekunlaşır. Bu barədə “ICTnews” elektron xəbər xidmətinə Bakı Dövlət Universitetinin Mətbuat və informasiya şöbəsindən məlumat verilib.

Universitetdən bildirilib ki, 29 avqust 2012-ci il tarixindən etibarən start verilən seminarda Bakı Dövlət Universitetinin əməkdaşları - layihə rəhbəri Mustafa Muradov, professor İradə Əliyeva, professor Sofya Fiqarova, professor Rəna Qasımova, dosent Hüseyn Məmmədov və aparıcı elmi işçi Qönçə Eyvazova iştirak edirlər: “Finlandiyanın Oulu, Macarıstanın Szeged və ABŞ-ın Rice Universitetinin professor-müəllim heyəti və doktorantlarının iştirakı ilə keçirilən seminarda metal nanohissəciklərin, karbon nanoboruların elektrik xassələrinə, nanomaterialların dizayn və istifadəsinə və digər aktual problemlərə həsr olunmuş mühazirələr dinləniləcək”.

HƏQİQƏT

Baxış sayı: 942